Kulliyadda Shareecada iyo Daraasaatka Islaamka Jaamacadda Ummadda Soomaaliyeed ayaa maanta qabatay Nadwo Cilmiyeed ku saabsan habka Diyaarinta “Caalimka Fiqiga Xambaarsan”, Kulanka waxaa kasoo qayb galay qaar ka mida Ardayda macalimiinta iyo shaqaalaha Jaamacadda Ummadda Soomaalieed.
Hormuudka Kulliyadda Shareecada iyo Daraasaatka Islaamka Dr. C/nuur Faarax Cali oo nadwada furay ayaa soo dhaweeyey culumada Nadwada soo jeedinaysa iyo dhammaan marti sharafka kale ee kasoo qayb galay kulanka, waxa uuna tilmaamay muhiimadda ay leedahay Nadwadaan.
Dr. Khadar Xassan Axmed (PhD Fiqhi) oo ahaa mid kamida Soo jeediyayaasha nadwada ayaa ka hadlay taariikhda Fiqiga Shaaficiga iyo tiirarka uu ku taaganyahay, isagoo sheegay kutubta ugu muhiimsan cilmiga Usuulu fiqiga ee Mad-habka Shaaficiyada.
Sidoo kale Dr. Xassan Macallin Daa’uud (PhD Fiqhi) ayaa sharaxaad dheer ka bixyay Qawaacidda fiqiga iyo muhiimadda ay u leedahay isku xirka masaa’isha fiqiga ah.
Dr. Haaruun Sheikh Xuseen (PhD Usuul Fiqhi) ayaa hayay Maamulka iyo Hogaaminta Nadwada
Nadwada sidoo kale waxaa goob joog ka ahaa marti sharaf badan oo culumo ah oo ay kamid yihiin:
Xildhibaan Dr. Prof. Maxamed Sh. Axmed Maxamed,
Sh. Saalax Sh. Ibraahim Dhiblaawe ah grasoore ka tirsan Maxkamadda Sare, Sh. Maxamed Cumar Axmed garsoore ka tirsan Maxkamadda Sare. Waxa ay ayaguna ka hadleen adkaynta Barashada Cilmiga iyo isku xirka culuumta Shareecada iyo nolosha.
Dhamaad
