Shirka bilaha Golaha tacliinta Jaamacadda Ummadda Soomaaliyeed, oo lagu qabtay hoolka shirarka xafiiska Raktarka ayaa waxaa shir gudoomiyay Wasiirka Wasaaradda Waxbarashada Hidaha iyo Tacliinta Sare, Mudane Faarax Sheekh Cabdulqaadir. Shirka ayaa waxaa goob joog ahaa Guddoomiyaha Jaamacadda Ummadda Soomaaliyeed Prof. Xasan Cismaan Gacal Gudoomiye ku xigeenada Prof. Aadan Guuled Shabeel iyo Prof. Cabdullahi Sheikh Rashid Dr.Maki, Agaasimaha guud ee taclinta Sare WWHTS iyo xubnaha Golaha Tacliinta Jaamacadda.
Kulanka ayaa looga hadlay qodobo ay ka mid yehiin dardar galinta horumarinta tacliinta sare ee dalka, hirgelinta nidaamka cusub ee mushaar bixin Barayaasha ee Joogtada ah, Warbxin ku saabsan Xaflada Qalin jebinta dufcadda 22-aad ee fooda nagu soo haysa, iyo qodobo kale.